यू–१९ महिला विश्वकपको पहिलो खेलमा बंगलादेशसँग नेपाल पराजित

काठमाडौं । आईसीसी यू–१९ टी२० महिला विश्वकपको आफ्नो पहिलो खेलमा नेपाल पराजित भएको छ ।

मलेसियाको बाङ्गीस्थित युकेएम ओभल क्रिकेट मैदानमा आज भएको खेलमा नेपाल बंगलादेशसँग ५ विकेटले पराजित भएको हो ।

जितका लागि नेपालले दिएको ५३ रनको सामान्य लक्ष्य बंगलादेशले १३.२ ओभरमा ५ विकेट गुमाएर पुरा गर्‍यो ।

त्यसअघि टस हारेर पहिले ब्याटिङको निम्तो पाएको नेपालले १८.२ ओभरमा ५२ रनमै अलआउट भएको थियो ।