हात्तीले आक्रमण गर्दा ७३ वर्षीय वृद्धको मृत्यु

विराटनगर । मोरङको सुन्दरहरैँचा नगरपालिका ८ भृकुटी टोलमा हात्ती आक्रमण गर्दा १ जनाको मृत्यु भएको छ ।

शुक्रबार राति करिब १२ बजे जंगलबाट निस्किएको हात्तीले आक्रमण गर्दा भृकुटी टोलका ७३ वर्षीय हरिप्रसाद घिमिरेको मृत्यु भएको हो ।

बच्चासहित आएको हात्तीले आक्रमण गर्दा उनको मृत्यु भएको प्रहरीले जानकारी दिएको छ । आक्रमणबाट उनको घटनास्थलमै मृत्यु भएको थियो ।