हनुमानढोका पुगेर राष्ट्रपति पौडेलद्वारा इन्द्रजात्राको अवलोकन

काठमाडौं । भीभीआईपीहरुले हिडेरै बसन्तपुर पुगेर इन्द्रजात्रा अवलोकन गरेका छन् । काठमाडौं महानगरपालिकाले हनुमानढोका परिसर भित्र सवारी साधनहरुलाई निषेध गरेपछि विशिष्ट व्यक्तिहरु हिँडेरै बसन्तपुर पुगेका हुन् । यसअघि इन्द्रजात्रा अवलोकन गर्न बसन्तपुरस्थित गद्दी बैठकसम्म सवारी हुने गरेको थियो । यसपटक राष्ट्रपति रामचन्द्र पौडेल न्यूरोडको जुद्धशमशेरको शालिकदेखि हिँडेरै जात्रा अवलोकनका लागि पुगेका हुन् । राष्ट्रपति पौडेलका साथै काठमाडौं महानगर प्रमुख बालेन्द्र साह, उपप्रमुख सुनिता डंगोल सहित महानगरले आमन्त्रण गरेका पाहुनाहरुले बसन्तपुरको गद्दी पुगेर जात्राको अवलोकन गरेका छन् । जात्रा अवलोकनका लागि ३ वटा देशका ५ वटा नगर र एउटा संस्थाबाट प्रतिनिधित्व गर्दै २० जना अतिथि काठमाडौँ आएका छन् ।