बढ्यो सुनको मूल्य

काठमाडौं । अन्तरराष्ट्रिय बजारमा सुन चाँदीको मूल्यमा सामान्य वृद्धि भए सँगै त्यसको प्रभाव स्थानीय बजारमा पनि परेको छ । 

अन्तरराष्ट्रिय बजारमा आज (आइतबार) एक औँस सुनको मूल्य २७०४ अमेरिकी डलर निर्धारण भएको छ । गत शुक्रबार सोही परिमाणको पहेँलो धातु २६८१ डलरमा कारोबार भएको थियो ।   

गत शुक्रबारको तुलनामा आज प्रतितोला सुनमा १ हजार ६ सय ले वृद्धि भएको छ भने सोही परिमाणको चाँदी पनि १५ रुपैयाँ ले बढेको छ । 

नेपाल सुन चाँदी व्यवसायी महासङ्घका अनुसार प्रतितोला सुन आज १ लाख ५५ हजार ७ सय मा कारोबार भएको छ भने सोही परिमाणको चाँदीको मूल्य १ हजार ८ सय ६० कायम भएको छ । 
रासस