दाङमा अटो दुर्घटनाबाट १ जनाको मृत्यु, २ घाइते

दाङ । दाङको गढवा गाउँपालिका–५, कक्रहवामा बुधबार दिउँसो अटो दुर्घटना हुँदा १ जनाको मृत्यु भएको छ, भने २ जना घाइते भएका छन् ।

मृत्यु हुनेमा राजपुर गाउँपालिका–३, भैसहवाका ५० वर्षीय तुलाराम बिकको रहेका छन् । दुर्घटनामा घाइते बिकको राप्ती स्वास्थ्य विज्ञान प्रतिष्ठान घोराहीमा उपचारका क्रममा मृत्यु भएको प्रहरीले जानकारी दिएको छ ।

दुर्घटनामा भैसहवाकै ४० वर्षीया बसन्ती बिक र ३६ वर्षीय प्रेमचन्द्र यादव घाइते भएका छन् । बिकको लमही अस्पताल र यादवको राप्ती स्वास्थ्य विज्ञान प्रतिष्ठान घोराहीमा उपचार भइरहेको प्रहरीले जनाएको छ ।

अटो चालक भैसहवाका ४० वर्षीय मदन बिकलाई नियन्त्रणमा लिएर थप अनुसन्धान भइरहेको प्रहरीले जानकारी दिएको छ ।