रवि लामिछानेलाई काठमाडौं ल्याइँदै

काठमाडौं । सहकारी ठगी प्रकरणमा पक्राउ परेका राष्ट्रिय स्वतन्त्र पार्टीका सभापति रवि लामिछानेलाई प्रहरीले पोखराबाट काठमाडौं ल्याउँदैछ ।

उनलाई अहिले बुद्ध एयरको विमानमार्फत काठमाडौं ल्याउन लागिएको हो । उनी सवार जहाज भर्खरै पोखराबाट उडेको हो । लामिछानेलाई गत मंगबार काठमाडौं ल्याइने भनिएको थियो । तर, काठमाडौंका एसएसपी छुट्टीमा भएपछि उनलाई काठमाडौं नल्याइएको हो ।

काठमाडौंको स्वर्णलक्ष्मी सहकारी ठगीमा सभापति लामिछानेको संलग्नता देखिएको छ । उक्त सहकारीको रकम अपचलन बारे अनुसन्धानका लागी आज उनलाई काठमाडौं ल्याइएको हो ।

सहकारी ठगी तथा संगठित अपराधको कसुरमा सभापति लामिछानेलाई कात्तिक २ गते प्रहरीले काठमाडौंबाट पक्राउ गरेको थियो । हाल लामिछाने कास्की प्रहरीको हिसातमा छन् ।