भारतको उत्तरप्रदेशमा बस र ट्रक ठोक्किँदा ५ जनाको मृत्यु

एजेन्सी । भारतको उत्तरप्रदेशमा बस र ट्रक ठोक्किँदा ५ जनाको मृत्यु भएको छ । 

उक्त दुर्घटनामा १५ जना घाइते भएका छन् । मृतक मध्ये पाँच महिने शिशु, एक महिला र तीन पुरुष रहेको भारतीय प्रहरीले जनाएको छ ।

भारतीय सञ्चार माध्यमका अनुसार दिल्ली बाट आजमगढ जाँदै गरेको डबलडेकर निजी बस अलिगढमा ट्रकको पछाडिको भागमा ठोक्किएको थियो । 

घाइतेहरुलाई जेबरस्थित कैलाश अस्पतालमा भर्ना गरिएको छ ।