नेपाली बजारमा सुनको मूल्य हालसम्मकै महँगो

काठमाडौं ।  सुनको मूल्य हालसम्मकै महँगो भएको छ । 

लगातार उकालो लागेको सुनको मूल्यमा आज बिहिबार  भएको वृद्धिपछि हालसम्मकै उच्च बिन्दुमा पुगेको हो । 
नेपाल सुनचाँदी व्यवसायी महासङ्घका अनुसार नेपालीको दोस्रो ठूलो पर्व तिहारको अवसरमा सुनको मूल्यमा उच्च वृद्धि भई कीर्तिमान कायम गरेको छ ।

बुधबार प्रतितोला  दुई हजार दुई सयले वृद्दि भई  एक लाख ७० हजार सात सयमा रुपैयाँमा कारोबार भएको छापावाला सुन आजका लागि भने  एक लाख ७१ हजार निर्धारण भएको छ । बुधबारको तुलनामा आज प्रतितोला  तीन सयले वृद्धि भएको हो । 

 यस्तै चाँदीको मूल्य भने तोलामा  ३०रुपैयाँ ले घटेको छ । बुधबार प्रतितोला  दुई हजार एक सय २० मा कारोबार भएको चाँदी आजका लागि  दुई हजार ९० निर्धारण भएको छ ।