सर्लाहीमा स्यालले आक्रमण गर्दा १३ जना घाइते

सर्लाही । सर्लाहीमा स्यालको आक्रमणबाट  यहाँका तीन स्थानीय तहका १३ जना घाइते भएका छन् । 

मङ्गलबार राति जङ्गलबाट गाउँ पसेको स्यालको समूहले खेतबाट काम गरेर घर फर्कँदै गरेका तथा घरमै बसिरहेका स्थानीयलाई आक्रमण गरेको जिल्ला प्रहरी कार्यालयले जानकारी दिएको छ ।

स्यालको आक्रमणबाट बसवरिया गाउँपालिकाका ९ जना, गोडैता नगरपालिकाका ३ जना र बलरा नगरपालिकाका १ जना घाइते भएका छन् । घाइतेमध्ये २ जनालाई थप उपचाररका लागि काठमाडौँ लगिएको प्रहरीले जनाएको छ । 

अन्य घाइतेलाई उपचारका लागि बसबरिया गाउँपालिकाको एम्बुलेन्समा मधेश स्वास्थ्य विज्ञान प्रतिष्ठान जनकपुरमा पठाइएको छ । घाइते केही भने स्थानीय स्वास्थ्य संस्थामा उपचार गराएर घर फर्किएका प्रहरीले जनाएको छ ।