नेपाली बजारमा  सुनको मूल्यमा नयाँ कीर्तिमान

काठमाडौं ।  नेपाली बजारमा बुधबार सुनको मूल्यमा नयाँ कीर्तिमान कायम भएको छ । 

लगातार उकालो लागेको सुनको मूल्य बुधबार तोलामा ७ सय रुपैयाँ  उकालो लागेको हो ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलामा १ लाख ६० हजार ४ सय रुपैयाँ कायम भएको छ । जुन मूल्य अहिलेसम्मकै उच्च हो । मंगलबार छापावाल सुनको मूल्य तोलामा १ लाख ५९ हजार ७ सय रुपैयाँ कायम भएको थियो ।

यस्तै, चाँदीको मूल्य पनि बढेको छ । मंगलबार तोलामा १ हजार ९१५ रुपैयाँ कायम भएको चाँदीको मूल्य बुधबार बढेर १ हजार ९५५ रुपैयाँ कायम भएको छ ।