२०५८ सालदेखिका परिक्षार्थीका लागि त्रिभुवन विश्वविद्यालयले मौका परीक्षा सञ्चालन गर्ने

काठमाडौं । त्रिभुवन विश्वविद्यालय २०५८ सालदेखिका  परीक्षार्थीका लागि मौका परीक्षा सञ्चालन गर्ने भएको छ ।

सोमबार बसेको त्रिवि परीक्षा सुधार समितिको बैठकले यस्तो निर्णय गरेको त्रिभुवन विश्वविद्यालय शिक्षाध्यक्षको कार्यालयले जनाएको छ ।  त्रिभुवन विश्वविद्यालयले  मंगलबार गोरखापत्र दैनिकमा  एक सूचना प्रकाशित गरेर सो जानकारी गराएको हो।

सूचनामा भनिएको छ, ‘त्रिभुवन विश्वविद्यालय अन्तरगतका मानविकी तथा सामाजिकशास्त्र, शिक्षा, व्यवस्थापन, कानून शंकाय र विज्ञान तथा प्रविधि अध्ययन संस्थान अन्तरगतका विद्यार्थीहरुको हकमा वार्षिक प्रणाली अन्तर्गत २०५८ सालदेखि र सेमेष्टर प्रणाली अन्तर्गत २०६९ देखिका समयसीमा कटेका परीक्षार्थीहरुका लागि एक पटकका लागि मौका परीक्षाको अवसर दिने व्यहोरा सूचित गरिन्छ ।’

त्यस्तै, सेमेष्टर प्रणाली अन्तरगत ०६९ देखि समयसीमा कटेका परीक्षाथीहरुले पनि मौका परीक्षा दिन पाउने भएका छन् । त्यसैगरी त्रिविले जुनसुकै तहको परीक्षामा एआई प्रयोग गरिएको भेटिएमा परीक्षा रद्द गरिने जनाएको छ ।