सहकारी पीडितद्वारा माईतीघरमा रिले अनसन शुरु

सहकारी पीडितहरुले आजवाट रिले अनसन सुरु गरेका छन । देशभरका झन्डै १४ हजार सहकारीका बचतकर्ता आफूले बचत गरेको रकम फिर्ता हुनुपर्ने माग गर्दै लामो समयदेखि आन्दोलन गरेपनि सरकारले नसुनेपछि उनीहरुले अनसन थालेका हुन । दैनिक आठ आठ घन्टाको दरमा रिले अनसन पीडितले थालेका हुन । देशभरिका ३२ हजार सहकारीमध्ये १४ हजार सहकारीबाट ठगिएका ७३ लाख नागरिकका पक्षमा अनसन थालिएको पीडितको भनाइ छ । 
४५ दिनदेखि धर्नामा रहे पनि सरकारका तर्फबाट समस्या समाधानको प्रस्ताव नआएको भन्दै पीडित आक्रोशित छन । देशैभर ७३ लाख नागरिकको ६५ अर्ब रुपियाँभन्दा बढी रकम सहकारी सञ्चालकले ठगेको तथ्याङ्क छ । त्यसको ब्याज जोड्नै बाँकी छ ।