उत्तर कोरियाद्वारा  ब्यालेस्टिक मिसाइलहरू प्रक्षेपण

एजेन्सी । उत्तर कोरियाले बुधबार छोटो दूरीका ब्यालेस्टिक मिसाइलहरू प्रक्षेपण गरेको सोलको सेनाले बताएको छ । 

एक सातामा प्योङयाङको यो दोस्रो हतियार परीक्षण हो । विशेषज्ञहरूले यो परीक्षणको हिस्सा उत्तर कोरियाद्वारा युक्रेनमा प्रयोग गर्नका लागि सहयोगी रुसलाई हतियारको कथित अवैध आपूर्तिसँग जोडिएको हुनसक्ने बताएका छन् । 

उत्तर कोरियाले विदेशमन्त्रीलाई एक वर्षभन्दा पनि कम समयमा दोस्रो भ्रमणका लागि मस्को पठाएपछि यो प्रक्षेपण भएको हो । प्योङयाङले रुससँग प्रतिबन्ध लगाउने हतियारको व्यापारलाई अस्वीकार गरेको छ ।

हालै उसले आणविक–सक्षम हतियारहरूलाई सीमावर्ती क्षेत्रमा स्थानान्तरण गरेको अन्तर्राष्ट्रिय सञ्चार माध्यमले जनाएका छन् ।