महिला विश्वकपा सहभागी टिमहरु प्रतियोगिता स्थल पुग्ने क्रम सुरु

फिफा महिला विश्वकप आउन एक साता बाँकी हुँदा सहभागी टिमहरु प्रतियोगिता स्थल पुग्ने क्रम सुरु भएको छ । नवौँ संस्करणको महिला विश्वकप आगामी साउन चार गतेदेखि अस्ट्रेलिया र न्युजिल्यान्डमा सुरु हुँदैछ ।साविक विजेता अमेरिका गएराति न्युजिल्याण्डको अकल्यान्ड पुगेको हो । न्युजिल्यान्ड जानु अघि विश्वकपको अन्तिम तयारी स्वरुप अमेरिकाले क्यार्लिफोनियामा वेल्ससँग मैत्रीपूर्ण खेल खेलेको थियो । खेलमा दुई शुन्य गोलको जित हात पारेसँगै उच्च मनोबल बनाएको अमेरिका लगातार तेस्रो उपाधि जित्ने लक्ष्यमा छ ।  फाइनल जिते अमेरिका महिला र पुरुष दुवै विश्वकपमा लगातार तीन पटक च्याम्पियन बन्ने पहिलो टोली बन्ने छ । अमेरिका समूह ‘ई’ मा छ । यो समूहमा भियतनाम, नेदरल्यान्ड्स र पोर्चुगल रहेका छन् । अमेरिकाले समूहको आफ्नो पहिलो खेल अकल्यान्डमा साउन ६ गते भियतनामसँग खेल्नेछ । पहिलो पटक महिला विश्वकप एकभन्दा बढी देशमा आयोजना हुन लागेको हो । यो विश्वकपमा ३२ टोली सहभागी हुँदैछन ।