बैंकहरूले असोजको लागि घटाए निक्षेपको ब्याजदर

काठमाडौ । असोजको लागि बैंकहरूले मुद्दती निक्षेप व्याजदर सामान्य घटाएका छन्। भदौका लागि वाणिज्य बैंकहरूले मुद्दती निक्षेपमा औसत ६.४७ प्रतिशत ब्याजदर दिइरहेकामा यस्तो ब्याजदर घटेको हो।

बैंकहरूले असोजका लागि प्रस्ताव गरेको औसत ब्याजदर ६.४ प्रतिशत छ। चार बैंकले भने ब्याजदर बढाएका छन्।

लक्ष्मी सनराइज, प्राइम कमर्सियल, कृषि विकास र नेपाल बैंकको ब्याजदर सामान्य बढेको हो।
आठ वटा बैंकको ब्याजदर सामान्य घटेको छ। अहिले सबैभन्दा धेरै ब्याजदर प्राइम कमर्सियल बैंकले दिने भएको छ। बैंकले ७.२५ प्रतिशतसम्म ब्याज दिने भएको हो।

बैंकहरूले साधारण बचतको ब्याजदर न्यूनतम ३ प्रतिशतसम्म पनि दिइरहेका छन्। यो दर ३ प्रतिशत प्रतिशतसम्म छ।

अहिले कर्जा लगानी नभएको कारण बैंकहरूले धेरै भएको रकम  राष्ट्र बैंकमा २.९९ प्रतिशतमा राखिरहेका छन्। 

चालु आर्थिक वर्षको मौद्रिक नीतिमार्फत राष्ट्र बैंकले नीतिगत दर ५ प्रतिशतमा झारेको छ । ब्याजदर करिडोरको माथिल्लो सीमा ६.५ प्रतिशत छ ।