नेपाली र अमेरिकी सेनाको संयुक्त अभ्यास आजदेखि

काठमाडौं । नेपाली र अमेरिकी सेनाबिचको चौथो संस्करणको सैनिक अभ्यास आइतबारदेखि सुरु भएको छ । 

अभ्यासका क्रममा खोज तथा उद्धारलाई प्रभावकारी बनाउन अपनाउनुपर्ने विधि तथा प्रक्रियाका सम्बन्धमा ज्ञान आदानप्रदान हुने नेपाली सेनाको जनसम्पर्क तथा सूचना निर्देशनालयले जनाएको छ । संयुक्त अभ्यास काठमाडौं, मकवानपुर र धादिङमा हुनेछ । 

विपद् व्यवस्थापन तथा मानवीय सहयोगको क्षेत्रमा अनुभव आदानप्रदान गरी विपद् प्रतिकार्य क्षमता अभिवृद्धि गर्ने उद्देश्यले सन् २०१२ देखि अभ्यास सञ्चालन हुँदै आएको छ । अभ्यास असोज ४ गते सम्पन्न हुनेछ । 
रासस