नोभाक जोकोभिच विम्बल्डन टेनिसको क्वाटरफाइनल नजिक

साविक विजेता नोभाक जोकोभिच विम्बल्डन २०२३ को क्वाटरफाइनल नजिक पुगेका छन । हुबर्ट हुकारजसँग ७–६ र ७–६ ले पछि पार्दै उनी अन्तिम आठ नजिक पुगेका हुन । आइतबार हुकारजसँग उनको खेल पुरा नभएकाले बाँकी खेल आज हुनेछ ।  रुसका आन्द्रे रुबलेभ भने क्वाटरफाइनल प्रवेश गर्न सफल रहे । उनले एलेक्जान्डर बुबलिकलाई ७–५, ६–३, ६–७, ६–७ र ६–४ को सेटमा  हराए । त्यस्तै पुरुषतर्फ यानिक सिनर र ग्रिगर दिमित्रभले पनि प्रि क्वाटरफाइनलमा स्थान बनाएका छन । महिलातर्फ शीर्ष वरीयताकी इगा स्वाटेक अन्तिम आठमा पुगेकी छिन । उनले बेलिन्डा बेनिसिचको चुनौती ६–७, ७–६ र ६–३ ले पराजित गरेकी हुन । त्यस्तै यस्तै, युक्रेनी एलिना स्भिटोलिनाले बेलारुस की भिक्टोरिया अजरेन्कालाई २–६, ६–४ र ७–६ ले पराजित गर्दै अघिल्लो चरणको यात्रा तय गरेकी छिन ।यो खेल नतिजाभन्दा बढी युक्रेन–रुस युद्धको असरका कारण चर्चामा रह्यो । खेल सकिएपछि स्भिटोलिनाले अजारेन्कासँग हात मिलाइनन् । रुसले युक्रेनमाथि युद्ध गरेयता स्भिटोलिनाले कुनै पनि रुस र उसलाई साथ दिइरहेको बेलारुसका कुनै पनि खेलाडीसँग हात नमिलाउने निर्णय गरेकी छन् । अजारेन्का कोर्टबाट बाहिँरिदा समर्थकले उनीविरुद्ध नकारात्मक प्रतिक्रिया दिएका थिए । जसलाई अजारेन्काले अन्यायपूर्ण व्यवहार भएको बताएकी छन् ।स्भिटोलिनाले अब शीर्ष वरीयताकी इगा स्वाटेकसँग प्रतिस्पर्धा गर्ने छिन् ।।