अमेरिकाद्वारा रुसको मिडियामाथि नयाँ प्रतिबन्ध

एजेन्सी । अमेरिकाले रुसको मिडियामाथि नयाँ प्रतिबन्ध लगाएको छ । 

अमेरिकाले रुसी मिडिया च्यानल आरटीमा नयाँ प्रतिबन्ध लगाएको हो। यो घोषणा गर्दै अमेरिकी विदेशमन्त्री एन्टोनी ब्लिन्केनले यस च्यानललाई रुसी गुप्तचर प्रणालीको हिस्सा भनेर वर्णन गरेका हुन्।

‘आरटी रुसी समर्थित मिडिया आउटलेटहरूको नेटवर्कको हिस्सा हो जसले गोप्य रूपमा संयुक्त राज्यमा लोकतन्त्रलाई कमजोर पार्ने प्रयास गरेको छ,’  ब्लिन्केनलेले शुक्रबार पत्रकारहरूलाई भने, ‘रुसी सरकारले साइबर सञ्चालन क्षमताहरू र रुसी गुप्तचरहरूसँग काम गर्ने एकाइलाई आरटीभित्र समावेश गरेको छ ।’

आरटीले सोशल मिडिया प्लेटफर्म एक्समा ब्लिन्केनको टिप्पणीलाई लाइभ स्ट्रिम गर्दै यसलाई अमेरिकाको पछिल्लो षड्यन्त्र भनेको छ। उता, रुसी विदेश मन्त्रालयकी प्रवक्ता मारिया जाखारोभाले रुसमाथि प्रतिबन्ध लगाउने विशेषज्ञ बन्न अमेरिकाले ‘नयाँ काम’ गर्नुपर्ने बताएकी छन् ।

आरटीको कर्मचारी र यसका प्रधानसम्पादक मार्गरिटा सिमोनियनलाई अमेरिकी चुनावलाई प्रभाव पार्ने आरोपमा गत हप्ता प्रतिबन्ध लगाइएको थियो। यूएस स्टेट डिपार्टमेन्टले आरटी (पहिले रूस टुडे) लाई युरोप, अफ्रिका र उत्तर र दक्षिण अमेरिकाका देशहरूमा ‘सूचना सञ्चालन, गुप्त प्रभाव र सैन्य खरिद’ मा संलग्न भएको आरोप लगाएको अन्तर्राष्ट्रिय सञ्चार माध्यमले जनाएको छ ।