जग्गा वर्गीकरण नहुँदा रोकिएको कित्ताकाट खुल्यो

काठमाडौं । जग्गा वर्गीकरण नहुँदा रोकिएको कित्ताकाट सरकारले खुलाएको छ । सोमबार बसेको मन्त्रिपरिषद् बैठकले जग्गा वर्गीकरणका लागि आगामी असार मसान्तसम्मको समय थप गर्दै कित्ताकाट खोल्ने निर्णय गरेको हो ।

यसका लागि सरकारले भू–उपयोग नियमावली, २०८० संशोधन गरेको छ । यसअघि जग्गा वर्गीकरण नहुँदा कित्ताकाट रोकिएको थियो । देशभरका ७५३ पालिकामध्ये १३३ पालिकाले मात्रै हालसम्म पूर्ण जग्गा वर्गीकरण गरेको नापी विभागले जनाएको छ ।

देशभरका ७५३ पालिकामध्ये १३३ पालिकाले मात्रै हालसम्म पूर्ण जग्गा वर्गीकरण गरेको नापी विभागले जनाएको छ । पालिकाहरूले जग्गा वर्गीकरण नगर्दा भदौयता ६२० पालिकामा कित्ताकाट रोकिएको थियो । सरकारले जग्गा वर्गीकरणका लागि समय थप गर्दै कित्ताकाट खुलाएको हो ।