विद्यार्थी राजनीतिक हस्तक्षेपले निराश छन्, आन्दोलनको अवस्था सिर्जना नहोस्ः सुमना श्रेष्ठ

काठमाडौँ । राष्ट्रिय स्वतन्त्र पार्टी ९रास्वपा०का सांसद सुमना श्रेष्ठले चिकित्सा शिक्षा आयोगले निकालेको एमबीबीएस परीक्षाको नतिजाको विषयमा प्रश्न उठाएकी छन् । उनले नतिजा निकाल्दा प्राविधिक त्रुटि भएको हो भने कसको कारणले भएको हो र यसलाई नदोहोर्‍याउन के गर्नुपर्छ भन्दै सरकारको ध्यानाकर्षण गराइन् । 
मंगलबारको प्रतिनिधिसभा बैठकको आकस्मिक समयमा बोल्दै उनले ‘विद्यार्थीहरूले आफ्नो सम्बोधन कसैले नसुनेको भन्दै सहयोगका लागि आफुलाई अपिल गरेर इमेल गरेको’ बताइन् । 
 
‘हरेक पटक विद्यार्थीहरूले आन्दोलन गर्ने अवस्था सिर्जना गर्नु भएन । यसै पनि विद्यार्थीले राजनीतिक हस्तक्षेप भयो भनेर निराश छन् । हामीले राजनीतिक रङ नदिऊँ भनेर थाम्न खोजेको छ तर पारदर्शी भएन भने जे सुकै भाष्य बन्छ‚’ उनले भनिन्‚‘त्यो भाष्य परिभाषा निर्माण गर्न सरकारले खोजेको देखिन्छ । चिकित्सा शिक्षा आयोगको अध्यक्ष प्रधानमन्त्री, सहअध्यक्ष शिक्षा र स्वास्थ्य मन्त्री हुनुहुन्छ, म ध्यानाकर्षण गराउँछु ।’

उनले विद्यार्थीहरूको धेरै माग नभएको भन्दै भनिन्‚‘विद्यार्थीको माग ओएमआर सिट उपलब्ध गराऊ, प्रश्नपत्र उपलब्ध गराऊ, कि उत्तर उपलब्ध गराऊ र यो पाउनका लागि भौतिक रूपमा उपस्थित हुने काठमाडौँ केन्द्रित नियम नबनाइयोस् । डिजिटल्ली विद्यार्थीले पाउनुपर्छ भनेर भन्नुभएको छ ।’