पछिल्लो ८ महिनामा ७ लाख पर्यटक भित्रिए, मार्चमा १ लाख बढिको आगमन

काठमाडौं । पछिल्लो ८ महिनामा ७ लाख पर्यटक नेपाल भित्रिएका छन् । नेपाल पर्यटन बोर्डका अनुसार अगस्ट अन्तिमसम्म ७ लाख २० हजार ३३४ जना पर्यटक नेपाल भ्रमणमा आएका हुन् ।

बोर्डको तथ्यांकअनुसार यस वर्ष मार्च महिनामा सबैभन्दा धेरै १ लाख २८ हजार १६७ जना पर्यटक आएको देखिन्छ । भने, जुलाईमा सबैभन्दा कम ६४ हजार ५९९ पर्यटक आएका छन् ।

सन् २०२३ को अगष्टमा कुल ६७ हजार १५३ जना पर्यटक आएकोमा सन् २०२४ को अगष्टमा ७२ हजार ७१९ पर्यटक नेपाल भित्रिएका छन् । अगष्टमा भारतबाट सबैभन्दा बढी २५ हजार ८३२, चीनबाट ६ हजार ६१४, अमेरिकाबाट पाँच हजार ६१४, श्रीलंकाबाट चार हजार ८५१ र बंगलादेशबाट तीन हजार ७७ पर्यटक नेपाल आएका छन् । 

सन् २०२४ को जनवरीमा ७९ हजार १००, फेब्रुअरीमा ९७ हजार ४२६, मार्चमा १ लाख २८ हजार १६७, अप्रिलमा १ लाख ११ हजार ३७६, मेमा ९० हजार २११, जुनमा ७६हजार ७३६, जुलाईमा ६४ हजार ५९९ र अगस्टमा ७२ हजार ७१९ पर्यटक नेपाल भित्रिएको तथ्यांकले देखाएको छ ।