धनगढीमा दैनिक विद्युत कटौती हुनथालेपछि स्थानीयहरु हैरान

धनगढीमा दैनिक रुपमा पटक पटक विद्युत कटौती हुनथालेपछि स्थानीयहरु हैरान भएका छन् । केही दिन यता गर्मी निकै बढेसँगै नियमियत रुपमा पटक पटक विद्युत कटौती हुन थालेपछि स्थानीय सास्ती खेप्न बाध्य भएका हुन् । विद्युत प्राधिकरणले देशभरी लोडसेडिङ हटाएको भनेपनि चर्को गर्मीमा धनगढीमा विद्युत आपूर्ति अनियमित हुने गरेको हो ।
पटक पटक विद्युृत कटौती गर्दा आफुहरुलाई व्यवसाय गर्न निकै चुनौती थपीएको व्यापारीहरुको पनि गुनासो छ । गर्मी बढेसँगै विद्युतको माग बढेकाले विद्युत वितरणमा समस्या देखिएको प्राधिकरणको भनाइ छ ।
विद्युत आपूर्ति अनियमित हुन थालेपछि नेपाल विद्यार्थी संघ कैलालीले ज्ञापनपत्र बुझाउदै प्राधिकरणको ध्यानाकर्षण समेत गराएको छ ।