विद्युत बक्यौता रकमबारे ओलीलाई प्रचण्डको आरोप: आफैँ बोक्सी आफैँ झाँक्री नबन्नुस्

विद्युत बक्यौता रकमबारे ओलीलाई प्रचण्डको आरोप  आफैँ बोक्सी आफैँ झाँक्री नबन्नुस्

काठमाडौँ ।  नेकपा ९माओवादी केन्द्र०का अध्यक्ष पुष्पकमल दाहाल ‘प्रचण्ड’ले विद्युत प्राधिकरणले उठाउन बाँकी करिब २२ अर्ब बक्यौता रकम मन्त्रिपरिषद्‌बाटै  उठाउन सरकारलाई चुनौती दिएका छन् ।

प्रतिनिधिसभाको आजको बैठकलाई सम्बोधन गर्दै उनले सामाजिक सञ्जालमा प्रस्ताव गरेर नभई क्याविनेटबाट निर्णय गराउनुपर्ने बताए।
‘प्रधानमन्त्रीले नौ वर्षसम्म किन एक्काइस अर्ब अठासी करोड महसुल उठाइएन भनेर पनि फेसबुकबाटै सोध्नुभएको छ। नियत सही भएको प्रधानमन्त्रीले क्याविनेटबाट सोध्नुपर्ने हो यो प्रश्न। खासमा यो प्रश्न सोध्ने होइन, जवाफ दिनुपर्ने व्यक्ति नै प्रधानमन्त्री ओली आफैँ हो,’ दाहालले भने,’प्राधिकरणलाई आफ्नो काम आफैं गर्न नदिएर यो विवाद निम्त्याएको कसले होरु’

३१ वैशाख, २०७५ मा ट्रंकलाइन र डेडिकेटेड लाइनको विषयमा प्राधिकरणले बनाएको अध्ययन समितिले ६१ वटा औद्योगिक घरानाले डेडिकेटेड ट्रंकलाइनबाट विद्युत् लिई महसुल नतिरेको प्रतिवेदन दिएपछि बिल काट्न सुरु भएको स्मरण गराउँदै उनले थपे,‘पैसा उठाउन केही उद्योगको लाइन काटियो पनि। तर, त्यो लाइन जोड्न ठाडो निर्देशन दिने को होरु प्रधानमन्त्री ओली। पछि तीन–तीन जना मन्त्री र सचिवसहितको समिति बनाएर अर्को निर्देशन नभएसम्म लाइन तत्काल जोड्न र थप लाइन नकाट्न आदेश दिने को होरु त्यो पनि प्रधानमन्त्री केपी ओली। त्यही समितिले बीचको अवधिको मात्र महसुल उठाउन गरेको सिफारिस कार्यान्वयन गर्न मन्त्रिपरिषद्‌बाटै निर्णय गर्ने कोरु प्रधानमन्त्री केपी ओली। अनि अहिले पैसा कसले घटायो भनेर फेसबुकबाट सोध्ने कोरु त्यो पनि केपी ओली।’

उनले भने,‘प्राधिकरणले अहिलेसम्म एक्काइस अर्ब अठासी करोडकै बिल काटेको छ। अबको क्याविनेटबाट यो असुल गर्ने निर्णय गराउनोस्। आफैँ बोक्सी आफैँ झाँक्री नबन्नुस्।’

पैसा उठाउनु त परको कुरा, लाइन काटेको भनेर प्राधिकरणका कार्यकारी निर्देशक कुलमान घिसिङलाई हटाउने नियतका साथ मन्त्रिपरिषद्‌बाट सात दिने स्पष्टीकरण सोधिएकोमा उनले आपत्ति जनाए ।  उनले भने, 'पानीमाथिको ओभानो बन्न खोज्नु राम्रो होइन।'