कृष्ण जन्माष्टमी : वीरगन्जमा श्रीमद् भागवत कथा तथा कृष्ण लिला प्रस्तुत

काठमाडौं । कृष्ण जन्माष्टमीको अवसरमा पर्साको वीरगन्जमा श्रीमद् भागवत कथा तथा कृष्ण लिला प्रस्तुत गरिएको छ । 

वीरगंज स्थित टिबडेवाल धर्मशालामा माहिल अग्रवाल परिवारको आयोजनामा श्रीमद् भागवत् कथा तथा कृष्ण लिला प्रस्तुत गरिएको हो । कार्यक्रममा भारतको राजस्थानबाट आएका कलाकारले आफ्नो कला प्रस्तुत गरेका छन ।

कार्यक्रममा भारतको प्रसिद्ध कथा वाचिका विष्णुप्रियाले श्रीकृष्णले आजीवन सत्यको पक्षमा रही सत्कर्मका लागि मानव समुदायलाई प्रेरित गरेको स्मरण गरिन । श्रीमद् भागवत् कथा तथा कृष्ण लिला प्रस्तुत कार्यक्रममा भारत लगायत बारा पर्साका सयौंको संख्यामा भक्तजनहरुको सहभागिता  थियो ।