बुद्धचित्तको दाना लुटपाटमा संलग्न एक जना पक्राउ

काठमाडौ । सिन्धुलीमा बुद्धचित्तको दाना लुटपाट गर्ने मध्ये एक जना पक्राउ परेका छन् ।  फिक्कल गाउँपालिका वडा नम्बर–१ मा बुद्धचित्तको दाना लुटपाट गर्ने मध्ये कोरियन भनिने राकेश तामाङ पक्राउ परेका हुन् ।  काभ्रे स्थायी  घर भएका तामाङलाई प्रहरीले सिन्धुलीमा लुकिछिपी रहेको अवस्थामा पक्राउ गरेको हो । तामाङसहित ११ जनाको समुहले बाराका आर्यन खतिवडाको ६५ लाख रुपैयाँ बराबरको बुद्धचित्तको दाना लुटेका थिए । घटनामा संलग्न दूतराज तामाङसहित अन्यको खोजी भईरहेको प्रहरीले जनाएको छ ।  पक्राउ परेका राकेश तामाङ माओवादी विद्यार्थी संगठनका नेता समेत रहेको खुलेको छ ।