नेपाली तिर्थयात्री बोकेको बस भारतमा दुर्घटना

काठमाडौं। भारतमा नेपाली तिर्थयात्री बोकेको बस दुर्घटनामा परेको छ । शनिबार राति झारखण्डको देवघर तीर्थका लागि जाँदै गरेको बस ट्रकको ठक्करवाट  दुर्घटनामा परेको हो ।  ४३ जना सवार ना ७ ख ६४४६ नम्बरको बस दुर्घटनामा कम्तीमा ३० भन्दा बढी घाइते भएको भारतिय  माध्यमहरूले जनाएका छन् ।
दुर्घटनामा एक किशोरसहित पाँच जनाको अवस्था गम्भीर रहेको  छ । घाइतेहरूको उपचार मुसरीघरारी अस्पताल र निजी क्लिनिकहरूमा भइरहेको सञ्चार माध्यमले जनाएका छन् ।घाइतेहरू नेपालको बारा जिल्लाका बसिन्दा भएको बताइएको छ ।