सुनको मूल्य तोलामा एक हजारले वृद्धि

काठमाडौं ।  स्थानीय बजारमा आइतबार सुनको मूल्य तोलामा एक हजारले वृद्धि भएको छ ।

नेपाल सुनचाँदी व्यवसायी महासङ्घका अनुसार शुक्रबार प्रतितोला एक लाख ५१ हजार चार सयमा कारोबार भएको छापावाला सुन आइतबार एक लाख ५२ हजार चार सय निर्धारण भएको छ ।

यस्तै, चाँदीको मूल्य तोलामा ३५ ले वृद्धि भएको छ । शुक्रबार प्रतितोला एक हजार आठ सय १५ मा कारोबार भएको चाँदीको मूल्य आइतबार एक हजार आठ सय ५० निर्धारण भएको छ ।