सनी देओलको फिल्म ‘बोर्डर २’ मा वरूण धवन अनुबन्धित

एजेन्सी । बलिउड अभिनेता सनी देओलको फिल्म ‘बोर्डर २’ मा अभिनेता वरूण धवन अनुबन्धित भएका छन्। 

शुक्रबार वरूणले सामाजिक सञ्जालमा एक भिडिओ सार्वजनिक गर्दै उक्त जानकारी दिएका हुन्। देओलले हालै मात्र यो फिल्मको सिक्वेल घोषणा गरेका थिए । फिल्मलाई लिएर फ्यानमाझ उत्सुकता छ । वरुण यो प्रोजेक्टमा जोडिएपछि यसलाई लिएर थप कौतुहलता बढेको छ ।

भारतीय सञचार माध्यमका अनुसार अनुराग सिंहले निर्देशन गर्न लागेको यो फिल्ममा भुषान कुमार, कृष्ण कुमार, जेपी दुत्ता, निधी दुत्ताको लगानी रहनेछ। यो फिल्म २३ जनावरी २०२६ मा प्रदर्शन हुनेछ।

यो सनी देओलको सन् १९९७ मा आएको  ‘बोर्डर’ को दोस्रो भाग हो। यस फिल्ममा भारत र पाकिस्तानबीचको द्वन्द्व देखाइएको थियो।