बागमती महाजलयात्रा अन्तर्गत डुंगा दौड प्रतियोगिता सम्पन्न

काठमाडौं । हरेक वर्ष बागमती नदीमा मनाइने महाजलयात्रा अन्तर्गत शुक्रबार विद्यालयस्तरीय डुंगा दौड प्रतियोगिता सम्पन्न भएको छ। बागमती नदी उत्सव २०२४ अन्तर्गत भएको यस कार्यक्रमा विभिन्न विद्यालयका ५ वटा टिमले प्रतिस्पर्धा गरेका थिए। प्रतियोगितामा सहभागीहरूले सुन्दरीजलदेखि गोकर्णेश्वर उत्तरबाहिनीसम्म डुंगा चलाएका थिए । प्रतियोगितामा प्रत्येक विद्यालयबाट ६ जना विद्यार्थी र १ टिम लिडर रहेका छन् । प्रतियोगितामा प्रथम हुने ओख्रेनी माबी सुन्दरीजलको टिमले ५० वर्षभन्दा पुरानो चाँपको काठबाट बनेको प्याडल प्राप्त गरेको छ ।