चलचित्र ‘रावायण’ को ट्रेलर सार्वजनिक

काठमाडौं  । चलचित्र ‘रावायण’को ट्रेलर सार्वजनिक भएको छ।  चलचित्र तीजको अवसर पारेर  भदौ २१ गते प्रदर्शन हुन लागेकाे हो । 

चलचित्रमा अभिनेता पल शाहले दोहोरो भूमिका निभाएका छन् । पल शाहसहित ट्रेलरका अभिनेत्री पुजा शर्मा,  प्रियङ्का कार्की, प्रमोद अग्रहरी, प्रकाश शाह, प्रदीप ढकाल, कैलाश रावल, अर्जुनजंग शाही लगायतका कलाकारहरूको समेत उपस्थिति देख्न सकिन्छ। 

चलचित्रको मुख्य कथावस्तु तराई क्षेत्रमा हुने हिंसात्मक गतिविधिमा आधारित रहेको ट्रेलरले सङ्केत गरेको छ। चलचित्रको लेखन शिवम अधिकारीको रहेको छ।

सौरभ लामाले छायाङ्कन गरेको यस चलचित्रमा मिलन श्रेष्ठको सम्पादन, रेवनसहित नीरज सिंहको सङ्गीत र श्री श्रेष्ठको द्वन्द्व रहेको छ।