भारतीय क्रिकेटर युवराज सिंहको जीवनीमा चलचित्र बन्ने

काठमाडौं। भारतीय क्रिकेटका खेलाडी युवराज सिंहको  बायोपिकमा आधारित  चलचित्र बन्ने भएको छ ।

 भारतीय सञ्चार माध्यामका अनुसार भारतीय  चर्चित निर्माता भूषण कुमार र रवि भागचन्दकाले युवराज सिंहको जीवनमाथि आधारित बायोपिक निर्माण गर्ने घोषणा गरेका छन्।

भारतीय चलचित्रका ट्रेड एनालिस्ट तरण आदर्शले सार्वजनिक गरे अनुसार अहिलेसम्म शीर्षक तय नगरिएको यो बायोपिकले युवराज सिंहको अद्वितीय क्रिकेट यात्रा, मैदानमा गरेको योगदान र उनले सामना गरेका चुनौतीपूर्ण सङ्घर्षहरूलाई पर्दामा उतार्ने बताइएको छ । 

बायोपिकको निर्देशन कसले गर्ने, कलाकार को को रहने र यसको छायाङ्कन कहिले सुरु हुनेछ भन्ने कुराहरू हालसम्म गोप्य राखिएको सञ्चार माध्यामहरुले जनाएका छन् ।