सुनको मूल्य आज ३ सयले घट्यो

काठमाडौं ।  नेपाली बजारमा सोमबार सुनको मूल्य सामान्य घटेको छ । नेपाल सुनचाँदी व्यवसायी महासंघका अनुसार आइतबारको तुलनामा सोमबार सुनको मूल्य ३ सय रुपैयाँले घटेको हो । 

आइतबार सुनको मूल्य १ लाख ५२ हजार ६०० रुपैयाँ थियो भने सोमबार सामान्य रुपमा घट्दै छापावाल सुनको मूल्य तोलामा १ लाख ५२ हजार ३०० रुपैयाँ कायम भएको हो । 

यस्तै, सोमबार चाँदीको मूल्य तोलामा १ हजार ८१० रुपैयाँ कायम भएको हो । अघिल्लो दिन पनि चाँदी तोलामा सोही मूल्यमा कारोबार महासंघले जनाएको छ ।