बझाङमा पहिरोमा पुरिएर एकै परिवारका चार जनाको मृत्यु

काठमाडौं । बझाङको बुङ्गल नगरपालिका–१० टुमेडामा पहिरोले घर पुरिँदा ४ जनाको मृत्यु भएको छ । 

आइतबार राती  पहिरोले वीरबहादुर धामीको घर पुरिँदा एकै परिवारका दुई बालिकासहित चार जनाको मृत्यु भएको हो । मृत्यु हुनेमा वीरबहादुरकी श्रीमती, बुहारी र दुई नातिनी रहेका छन् । पहिरोमा काली धामी, गोल्की धामी, आसिका धामी, लक्ष्मी धामीको ज्यान गएको हो । 

पहिरोमा परेका पाँच जनाको भने उद्धार गरिएको प्रहरीले जनाएको छ । उद्दार हुनेमा बिरा धामी , उज्जल धामी, रोसन धामी, कमला धामी, शान्ति धामी रहेका छन् ।  ९ जना सदस्य रहेको सो घरमाथि राति १ बजे खसेको पहिरोले घर क्षतविक्षत बनाएको छ ।