चलचित्र ‘१२ गाउँ’ को टिजरमा यस्तो देखिए समीर भट्ट

काठमाडौं ।  अभिनेता विराज भट्ट निर्देशित चलचित्र ‘१२ गाउँ’ को टिजर सार्वजनिक भएको छ । दशैंको फूलपाति अर्थात् असोज २४ गतेबाट प्रदर्शनको तयारीमा रहेको चलचित्रले डेव्यु अभिनेता समीर भट्टलाई एक्सन अवतारमा प्रस्तुत गरेको छ । 

१ मिनेट २१ सेकेन्ड लामो टिजरले  चलचित्र बदलाको कथामा बनेको बुझ्न सकिन्छ । टिजरमा फिल्मका सबै कलाकारले प्रथमिकता पाएका छन् ।  यस चलचित्रबाट समीर भट्टले अभिनेताको रुपमा डेब्यु गर्दैछन् । भारतमा बसेर मार्सल आर्ट र अभिनय सिकेका समीर अभिनेता बिराज भट्टका छोरा हुन् ।

चलचित्रमा विराज, समीर, खड्का,सनिशा भट्टराई मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुनजंग शाही, भिष्म जोशी, शुलेमान शंकर (इकुं), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय रहेको छ ।

विराज भट्ट फिल्म पोडक्सन प्रस्तुतिमा निर्माण भएको चलचित्रमा अर्जुन पोखरेल र निरजको संगीत, रामजी लामिछाने, सुनील क्षेत्री र कविराज गहतराजको कोरियोग्राफी तथा प्रवीन केएल र भुपेन्द्र अधिकारीको सम्पादन छ । विराज स्वयम्को कथा र सन्तोष सरकारको पटकथा तथा संवाद लेखन चलचित्रमा छ ।