एलिजे र आयुषको गीतमा ७ दिनमा ४० लाख बढी भ्युज

काठमाडौं । चर्चित टिकटकर जोडी एलिजे जमाली र आयुष सिंह ठकुरीको गीत  ‘इश्क का आलम’ लाई ७ दिनमा ४० लाख भन्दा बढीले हेरेका छन् । 

केशवराज भट्टको निर्देशनमा  तयार भएको गीतमा एलिजे र आयुषको अभिनय रहेको छ । ८ मिनेट २८ सेकेण्ड लामो यस गीतमा उनीहरुले आफ्नो प्रेम कथालाई प्रस्तुत गरेका छन् । 

साहिराज खातीको आवाज रहेको गीतमा शंकर थापाको संगीत रहेको छ भने नेत्र लोजा गुरुङ,  सूरज शाक्य निर्माता रहेका छन् । यस गीतलाई नेपालको बिभिन्न ठाउँमा  छांयाकन गरिएको छ।

केही समय अगाडी एलिजे र आयुषले  दुबईमा आफ्नो ईन्गेजमेन्ट समारोह सम्पन्न गरेका थिए ।  यी दुईको ईन्गेजमेन्टको क्लिप्सहरु  टिकटकमा भाइरल भएका थिए । दुवैले आफ्नो–आफ्नो अकाउन्टबाट ईन्गेजमेन्ट भएको जानकारी दिएका थिए ।