पहिरोले अवरुद्ध अरनिको राजमार्ग सञ्चालनमा

काभ्रेपलाञ्चोक । सुक्खा पहिरो जाँदा शनिबार बिहानदेखि अवरुद्ध अरनिको राजमार्ग ४ घण्टापछि खुलेको  छ । 

राजमार्गअन्तर्गत काभ्रेपलाञ्चोकको पाँचखाल नगरपालिका–८ स्थित ५३ किलो भन्ने स्थानमा  पहिरो खस्दा शनिबार बिहान ६ बजेदेखि  सडक अवरुद्ध भएको थियो  ।  

प्रहरी चौकी पाँचखालका प्रमुख वरिष्ठ प्रहरी नायव निरीक्षक विष्णु फुँयालले पहिरो पन्छाएर सडक खुलाएको बताए । सडक अवरुद्ध हुँदा दुवैतर्फ सयौँ सवारीसाधन रोकिएका थिए । साना सवारीसाधनलाई वैकल्पिक सडकबाट पठाइएको थियो  ।  

उक्त राजमार्गको जिरोकिलो–दोलालघाट सडकखण्डमा यसअघि पनि पटकपटक पहिरो खस्दा सडक अवरुद्ध हुँदै आएको थियो । 
रासस