फ्रेन्च लिग वान :पीएसजीको विजयी सुरुवात

काठमाडौं । फ्रेन्च लिग वान फुटबलमा पीएसजीले विजयी सुरुवात गरेको छ । 

शुक्रबार राति भएको खेलमा पीएसजीले ले हाभ्रेमाथि ४–१ को फराकिलो जित दर्ता गरेको हो । फरवार्ड ली काङ–इनले सुरुवातको तेस्रो मिनेटमा नै गोन्कालो रामोसको पासमा गोल गर्दै पीएसजीलाई सुरुवाती अग्रता दिलाएका थिए । पहिलो हाफमा १–० ले अग्रता बनाएको पीएसजीले दोस्रो मिनेटमा नै गोल खान पुग्यो । खेलको ४८ औँ मिनेटमा गौटिएर लोरिसले बराबरी गोल फर्काए । त्यसपछि गोलका लागि केही संर्घष गरेको पीएसजीले अग्रता बनाउन खेलको ८५ मिनेटसम्म पुग्नु परेको थियो । खेलको ८५ औँ मिनेटमा ओस्मान डेम्बेलेको गोलमा पीएसजीले खेलमा २–१ को अग्रता बनायो । 

लगत्तै ब्राडली बारकोलाले गोल गर्दै पिएसजीको अग्रता फराकिलो पारे । त्यसपछि ९० औँ मिनेटमा रान्डल कोलो मुआनीले पेनाल्टीमा गोल गर्दै पीएसजीलाई सहज जित दिलाए ।