चलचित्र ‘वर एण्ड वधु’को ट्रेलर सार्वजनिक

काठमाडौं । चलचित्र ‘वर एण्ड वधु’को ट्रेलर सार्वजनिक भएको छ । 

आगामी भदौ १४ गतेदेखि प्रदर्शन तयारीमा रहेको चलचित्रको ट्रेलर शुक्रबार काठमाडौंमा एक कार्यक्रमबीच सार्वजनिक गरिएको हो । अभिनेत्री आँचल शर्मा र नव-अभिनेता विवेक कर्माचार्यबीचको प्रेम र धोकाको कथामा चलचित्र केन्द्रित रहेको ट्रेलरले प्रष्ट पार्छ । ट्रेलरमा एक्सन पनि समावेश गरिएको छ ।

मिलन चाम्स निर्देशित चलचित्रमा जानुका थापाको लगानी छ । अमित रिजाल कार्यकारी निर्माता रहेको चलचित्रलाई एलआरके प्रोडक्सनको प्रस्तुतिमा तयार पारिएको हो । चलचित्रमा आँचल र विवेकसँगै गरिमा शर्मा, विजु पार्की, किरण केसी, सरिता लामिछाने, कुसुम शर्मा, सृष्टि खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अंशु महर्जन र सिता न्यौपानेको अभिनय रहेको छ । 

सुदीप बरालको छायांकन रहेको चलचित्रमा मिलन श्रेष्ठको सम्पादन, हिमाल केसीको एक्सन, प्रदीप भारद्धाजको पटकथा, रविन्द्र न्यौपाने र अनिस स्याङ्देनको कोरियोग्राफी, सन्तोष लामाको कला निर्देशन, अर्जुन पोखरेलको संगीत रहेको छ ।