थामे बाढीमा फसेका ७ जनाको नेपाली सेनाद्वारा उद्धार

काठमाडौं । सोलुखुम्बुको खुम्बु पासाङल्हामु गाउँपालिकाको वडा नम्बर –५को थामे गाउँमा थामे खोलाको बाढीमा फसेका ७ जनाको उद्धार गरिएको छ । 

दूधकोशीको सहायक खोला थामेमा शुक्रबार दिउँसो एक्कासी आएको  बाढीले  थामे गाउँ  प्रभावित बनाएको छ । सोलुखुम्बुकी प्रमुख जिल्ला अधिकारी देबी पाण्डेले फसेकाहरुको नेपाली सेनाले उद्धार गरेको जानकारी दिइन् । बाढीले बिद्यालय र १२ वटा घर प्रभावित भएका छन् । मानवीय क्षतिबारे बिवरण प्राप्त नभएको प्रहरीले जनाएको छ ।