तोलामा ९ सयले घट्यो सुन

काठमाडौं । स्थानीय बजारमा सुनको मूल्य शुक्रबार तोलामा ९ सय रुपैयाँले घटेको छ । 

नेपाल सुनचाँदी व्यवसायी महासङ्घका अनुसार, बिहीबार प्रतितोला १ लाख ५० हजार ५ सयमा कारोबार भएको छापावाला सुन शुक्रबार १ लाख ४९ हजार ६ सय निर्धारण भएको छ । 

त्यस्तै, चाँदीको मूल्य प्रतितोला २० रुपैयाँले वृद्धि भएको छ । बिहीबार प्रतितोला १ हजार ७ सय ४० मा कारोबार भएको चाँदीको मूल्य शुक्रबार १ हजार ७ सय ६० निर्धारण भएको छ । 
रासस