डोटीमा बस दुर्घटना हुँदा १७जना घाइते

काठमाडौं । डोटीमा शुक्रबार बिहान बस दुर्घटना हुँदा १६ जना घाइते भएका छन् । 

बिहीबार धनगढीबाट छुटेको शैलेश्वरी यातायातको ना ५ ख ४४५१ नम्बरको यात्रुबाहक बस बिहान करीब ४ बजे दिपायल सिलगढी नगरपालिका–४ स्थित दुर्घटना भएको बताइएको छ । 

प्रदेश ट्राफिक प्रहरी कार्यालय अत्तरियाका अनुसार दुर्घटनामा १६ जना घाइते भएका छन् ।  उनीहरूमध्ये एक जनाको अवस्था गम्भीर रहेको छ । सबै घाइतेलाई उद्धार गरी उपचारका लागि सुजङ अस्पतालमा पठाइएको प्रहरीले जनाएको छ । 

बस करिब ३५ मिटर तल खसेको प्रहरीले जनाएको छ ।