कंगना रनौत अभिनित ‘इमर्जेन्सी’ को ट्रेलर सार्वजनिक

एजेन्सी । भारतीय अभिनेत्री कंगना रनौत अभिनित चलचित्र  ‘इमर्जेन्सी’ काे ट्रेलर सार्वजनिक भएको छ । 

भारतीय पूर्वप्रधानमन्त्री इन्दिरा गान्धीको जीवन कथामा आधारित रहेको चलचित्रको ट्रेलर बुधबार सार्वजनिक भएको हो । कंगनाले आफ्नो  इन्स्टाग्राम स्टोरीमा चलचित्रको ट्रेलर सार्वजनिक गरेकी छन् ।

करिब दुई मिनेट ५४ सेकेण्डको ट्रेलरमा सन् १९७५ मा भारतमा लगाइएको संकटकालको परिस्थितिलाई देखाइएको छ ।  चलचित्रमा अनुपम खेर, महिमा चौधरी, श्रेयस तलपदे र  स्व. अभिनेता सतिश कौशिककाे मुख्य भुमिका रहेकाे छ । 

चलचित्र  ‘इमर्जेन्सी’ सेप्टेम्बर ६ मा प्रदर्शन  हुँदैछ ।