चलचित्र ‘रावायण’को शीर्ष गीत सार्वजनिक

काठमाडौं ।  निर्देशक सुदर्शन थापाद्वारा निर्देशीत चलचित्र ‘रावायण’को शीर्ष गीत सार्वजनिक भएको छ ।  यो गीतमा अभिनेता पल शाह दोहोरो चरित्रमा देखिएका छन् भने,अभिनेत्री पूजा शर्मा र निर्देशक सुदर्शन थापाले पनि गीतमा आफ्नो उपस्थिति देखाएका छन्।

भारतको चलचित्र ‘पुष्पा २’को चर्चित गीत ‘पुष्पा पुष्पा’का गायक नाकाश अजिजको स्वरम रहेको यस गीतमा कृष्णहरि बरालको शब्द रचना तथा रेवन आरती सिंहको सङ्गीत छ। 

चलचित्रमा प्रियङ्का कार्की, प्रमोद अग्रहरी, प्रकाश शाह, प्रदीप ढकाल, कैलाश रावल, अर्जुनजंग शाही लगायतका कलाकारहरूको पनि  अभिनय रहेको छ। शिवम अधिकारीको लेखन, प्रदीप श्रीवास्तवको पटकथा, सौरभ लामाको छायाङ्कन, मिलन श्रेष्ठको सम्पादन, रेवनसहित नीरज सिंहको सङ्गीत र श्री श्रेष्ठको द्वन्द्व रहेको छ।

चलचित्र भदौ २१ गते हरितालिका तीजको अवसरमा प्रदर्शन हुने तयारीमा छ ।