चलचित्र ‘ज्वाइँ साब’ को फस्टलुक सार्वजनिक

काठमाडौं । । वसन्त निरौला निर्देशित चलचित्र  ‘ज्वाइँ साब’ को  फस्टलुक सार्वजनिक भएको छ । 

 निर्माण टिमले मंगलबार चलचित्रको फस्टलुक सार्वजनिक गर्दै प्रदर्शन मिति सार्वजनिक गरेको हो । चलचित्र दशैँको फूलपातीमा प्रदर्शन हुने निमार्ण पक्षले जनाएको छ । 

चलचित्रको शीर्ष भूमिकामा कलाकार जितु नेपाल र नायिका नीति शाहले रहेकी छन् । चलचित्रमा बुद्धि तामाङ,  शिशिर वाङ्देल, प्रकाश घिमिरे, रमेश वुढाथोकी, निमा पाण्डे, हिमेश पन्त, शिवहरि वैरागी, राजेन्द्र नेपाली, कविता आले, शिवु पाण्डे लगायतका कलाकारहरूको अभिनय  रहेको छ । 

 विजय बस्याल कार्यकारी निर्माता रहेको चलचित्रमा  सविन अधिकारीको कथा, शंकर धितालको पटकथा तथा संवाद रहेको छ ।