‘अवतार : फायर एण्ड एश’ को प्रदर्शन २०२५ को डिसेम्बरमा

एजेन्सी । बहुप्रतीक्षित हलिउड साइन्स फिक्सन चलचित्र  ‘अवतार ३’ को औपचारिक शीर्षक र प्रदर्शन मिति सार्वजनिक भएको छ । लस एन्जलसमा आयोजित समारोहमा निर्देशक जेम्स क्यामरुन, कलाकारद्वय जोय साल्दाना र साम वर्थिङ्टनले टाइटल लोगो सार्वजनिक गरेका हुन् । क्यामरुनले बताए अनुसार यो चलचित्र  २०२५ को डिसेम्बर १९ मा प्रदर्शनमा आउने छ । 

लस एन्जलसमा आयोजित समारोहमा ‘अवतार ३’काे शीर्षक  ‘अवतार फायर एण्ड एश’ राखिएकाे हाे ।   यो चलचित्र २००९ मा प्रदर्शन भएको पहिलो “अवतार” र २०२२ मा आएको  ‘अवतार: द वे अफ वाटर” को सिक्वेलको रूपमा आएको हाे। 

क्यामरुनले दर्शकलाई ‘कूल कन्सेप्ट आर्ट्स’को झलक देखाए, जसमा पात्रहरू आकाशमा उडिरहेको र आगोले घेरिएको देखाइएको थियो। “यस चलचित्रमा नयाँ संस्कृति, नयाँ सेटिङ, नयाँ जीव र पान्डोराको नयाँ भागहरू देख्न पाइनेछ। यो चलचित्रले पान्डोरा ग्रहको त्यो हिस्सा देखाउनेछ जुन तपाईले कहिल्यै देख्नुभएको थिएन,” समारोहमा क्यामरुनले भने, “नयाँ  चलचित्रमा  तपाइले पान्डोराको अद्वितीयता र विविधतालाई अझ गहिरोसँग अनुभव गर्न सक्नुहुनेछ।”

अघिल्लाभन्दा धेरै भावनात्मक पक्ष यसमा मिसिएको समेत उनले बताए ।