कलाकार र एमालेका पूर्व मन्त्रीसहित ११ जुवाडे पक्राउ

काठमाडौं । ’सक्किगो नि’का कलाकार र एमालेका पूर्वमन्त्रीसहित ११ जुवाडे पक्राउ परेका छन् । 

उनीहरुलाई काठमाडौंको गौरीघाटबाट पक्राउ गरिएको प्रहरीले जनाएको छ । पक्राउ पर्नेमा टेलिसिरियल ’सक्किगो नि’का कलाकार पुरुषोत्तम शर्मा,एमाले कोशी प्रदेशका पूर्वमन्त्री  बुद्धि कुमार राजभण्डारीसहित११ जना रहेका प्रहरीले जनाएको छ । उनीहरुलाई शनिवार जुवा खेल्दै गरेको अवस्थामा पक्राउ गरिएको हो ।  

प्रहरीले जुवा खालबाट १ लाख ५० हजार नगद पनि बरामद गरेको छ । त्यसैगरी पक्राउ पर्नेमा सोलुखुम्बुको सोताङ गाउँपालिकाका पूर्वअध्यक्ष वीरबहादुर तामाङ पनि रहेका  छन् ।