चलचित्र ‘खुस्मा’ को टिजर सार्वजनिक

काठमाडौं । अशोक थापा मगरको लेखन तथा निर्देशनमा बनेको चलचित्र ‘खुस्मा’ को टिजर सार्वजनिक भएको छ। 

 चलचित्रको टिजर युट्युबमार्फत्  सार्वजनिक गरिएको हो ।  २ मिनेट १० सेकेण्ड लामो टिजरमा चलचित्रको कथा र भावनात्मक पक्षको झलक दिएको छ।

 ‘खुस्मा’को  टिजरमा मगर समुदायको पृष्ठभूमिमा आधारित प्रेमकथा पेस गरेको छ। टिजरले  प्रमुख कलाकार धिरज मगर र उपासना सिंह ठकुरीको रोमान्टिक सम्बन्धको चित्रण गरेको छ ।   

यस चलचित्रमा धिरज र उपासना बाहेक माओत्से गुरुङ, खड्क बहादुर पुन (खबपु), सुजाता राई, विजय संयोक सुब्बा, राजु रेग्मी मगर, राज थापा काउचा, अस्तित्व भट्टचन, सङ्गीता थापा मगर लगायतका कलाकारहरूको अभिनय रहेको छ। 

‘खुस्मा’ असोज ३ गते प्रदर्शनमा आउने  भएकाे छ ।