चलचित्र ‘अञ्जिला’को प्रदर्शन  मिति सर्‍यो

काठमाडौं । चलचित्र ‘अञ्जिला’को प्रदर्शन  मिति सारिएको छ । 

महिला राष्ट्रिय फुटबल टिमकी नम्बर एक गोलरक्षक एञ्जिला तुम्बापो सुब्बाको जीवनमा आधारित नेपाली चलचित्र ‘अञ्जिला’को प्रदर्शन  मिति सारिएको हाे ।  पहिला माघ ११ गते प्रदर्शन गर्ने योजना रहेको यो चलचित्र अब फागुन २९ गते प्रदर्शन हुने भएको छ ।  चलचित्रको  छायांकन सुब्बाकै जन्मथलो इलामको आइतबारे, झापा, र काठमाडौँमा गरिएको छ ।

निर्देशक मिलन चाम्सले सबै पक्षहरू मिलाउने क्रममा प्रदर्शन मिति सार्नुपरेको बताएका छन् । चलचित्रमा एञ्जिला स्वयं मुख्य भूमिकामा देखिनेछिन्, साथै दयाहाङ राई, सिर्जना सुब्बा, माओत्से गुरुङ, बुद्धि तामाङ लगायत कलाकारहरूको अभिनय रहनेछ।

 निर्माता प्रेम कुमार श्रेष्ठले पनि चलचित्रमा प्रमुख भूमिका निर्वाह गरेका छन्।