चलचित्र ‘ह्रस्व दीर्घ’को पहिलो गीत सार्वजनिक

काठमाडौं । चलचित्र ‘ह्रस्व दीर्घ’को पहिलो गीत सार्वजनिक भएको छ । 

संविधान दिवसको अवसर पारेर असोज ३ गतेदेखि प्रदर्शनमा आउने तयारीमा रहेको चलचित्रको सार्वजनिक उठेर नाचिस्यो, बसेर नाचिस्यो’ बोलको गीत युट्युवमा सार्वजनिक भएको हो । गीतमा कलाकार नीता ढुंगाना र हरिहर अधिकारी फिचर्ड छन् । 

गीतमा दुर्गेश थापाको संगीत निर्देशन, शब्दर रचना र एरेञ्ज छ । गायनमा थापालाई सदीक्षा कट्टेलल साथ दिएकी छन् भने सुष्मा सुनामको नृत्य निर्देशन रहेको छ । 

निता फिल्मस्को ब्यानरमा निर्माण गरिएको यस चलचित्रको कार्यकारी निर्माता धनन्जय गलानी हुन्। चलचित्रमा निता ढुंगाना र हरिहर अधिकारीसँगै ब्रह्मानन्दम, अली, कबिर दुहान सिंह, प्रदीप रावत, प्रशान्त ताम्राकार, सञ्चिता लुइँटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आदर्श मिश्र, बुद्धि तामाङ, किरण केसी लगायतका कलाकारहरूको अभिनय रहेको छ। 

चलचित्रको कथा हरिहर अधिकारीले लेखेका हुन्, भने पटकथा र संवाद हरिहर, प्रतीक पौडेल, र निर्देशक चन्द्र पन्तले मिलेर तयार पारेका हुन्। चन्द्र पन्तको डेब्यु नेपाली निर्देशकीय उक्त चलचित्र नेपाली, तेलुगु र हिन्दी गरी तीन भाषामा रिलिज हुनेछ ।