अभिनेता नागा चैतन्य र अभिनेत्री सोभिता धुलिपालाले गरे इङ्गेजमेन्ट

एजेन्सी । दक्षिण भारतीय अभिनेता नागा चैतन्य र अभिनेत्री शोभिता धुलिपालाले इन्गेजमेन्ट गरेका छन्।

बिहीबार उनीहरुले नजिकका साथीभाइ र परिवारबीच इन्गेजमेन्ट गरेको भारतीय सञ्चार माध्यमले जनाएका छन् । उनीहरूको इन्गेजमेन्टको तस्बिर नागाका बुवा अक्किनेनी नागार्जुनले सामाजिक सञ्जालमा सार्वजनिक गरेका छन्। 

अभिनेता नागाले  सोभितासँग  दोस्रो बिवाह गर्न लागेका हुन् ।  नागाले पहिलो बिवाह अभिनेत्री सामान्था रुथ प्रभुसँग गरेका थिए । सामन्था रुथ प्रभुसँग सम्बन्ध विच्छेदपछि उनको  शोभितासँग प्रेम सम्बन्धमा  रहेको भारतीय सञ्चार माध्यामहरुले बताइरहेका थिए ।

तर, उनीहरुले भने सम्बन्धलाई गोप्य नै राख्दै आएका थिए । अन्तत उनीहरुले इन्गेजमेन्ट गरेका छन् ।